Íslenski atvinnukylfingurinn Haraldur Franklín Magnús er í góðri stöðu fyrir lokahringinn á Italian Challenge Open sem fram fer á Golf Nazionale vellinum í Viterbo á Ítalíu dagana 7.–10. maí.
Haraldur hefur leikið stöðugt og vel fyrstu þrjá hringina og kemur inn í lokadaginn á sjö höggum undir pari eftir hringi upp á 70, 70 og 69 högg.
Lokahringurinn fer fram á morgun og hefur Haraldur rástíma klukkan 08:11 að staðartíma á Ítalíu, sem jafngildir 06:11 að íslenskum tíma.
Mótið er hluti af HotelPlanner Tour, næst sterkustu atvinnumótaröð Evrópu, þar sem sterk úrslit geta skipt sköpum í baráttunni um sæti á DP World Tour.
Haraldur er sem stendur í góðri stöðu til að sækja mikilvæg stig og verður spennandi að fylgjast með honum á lokadeginum.
